Torsdag 5.mai var vg1 Handverk, design og produktutvikling på bedriftsbesøk til Celsius Glass Studio på Langevåg i Ålesund. Vi fekk eit lite innblikk i arbeidet til glasblåsar Cornelia Skuggen, og vi fekk sett ho i arbeid.
Celsius Glass Studio ligg på Devoldfagbrikken i Langevåg i Ålesund. I ca.20 år har Cornelia jobba som glasblåsar, og ho har alltid laga produkt som ho sjølv har lyst å lage. (Ho elska rosa!) På verkstedet sitt har ho sitt eige utsal med eigne designa produkt og produkt som er redesigna. Ei viktig inntektskjelde er i tillegg oppdrag ho får frå bedrifter og enkeltpersonar.
Vi fekk eit innblikk i det arbeidet ho gjer dagleg, og vi fekk sett prosessen frå ide til ferdig produkt. I tillegg fekk vi stille spørsmål og høyrt korleis hennar utdanningsveg har vore. Vi fekk mykje nyttig informasjon.
Vi besøkte og ein keramiker og ein sveiser når vi var på Devoldfabrikken.
Bilete frå Celsius Glass Studio
