Har du gått på yrkesfag og ønskjer å ta høgare utdanning? Då kan du ta påbygging til generell studiekompetanse. Du kan søkje både før og etter læretida. Utdanninga fører fram til generell studiekompetanse.
Påbygging til generell studiekompetanse gir moglegheit til vidare studium ved dei fleste høgskular og universitet. Til visse studiar er det spesielle opptakskrav, og ofte er kravet fordjuping i matematikk og/eller andre realfag. Eid vgs har påbygg både på Vg3 og Vg4 nivå. Påbyggingsåret er eit tøft skuleår med mykje teori og hard jobbing for å kunne få det vitnemålet du treng for å kunne studere vidare.
