Elektro og datateknologi er ei yrkesfagleg utdanning der du mellom anna lærer om installasjon og vedlikehald av elektriske og elektroniske system. Du går 2-3 år på skule før du kan søkje læreplass. Du kan ta påbygg til generell studiekompetanse før eller etter læretida.
For deg som
- er praktisk anlagt og nyskjerrig på elektrisk utstyr
- vil lære meir om elektroniske system
- vil yte god service
- er kreativ og har godt fargesyn
Elektro og datateknologi ved Eid vidaregåande skule
Skulen har erfarne lærarar og eit godt etablert nettverk mellom skule og næringsliv. Dette gjer deg godt forberedt til å møte næringslivet og vi gjev deg som elev høve til å få vise deg fram til potensielle arbeidsgjevarar/lærebedrifter.
Skulen har eit stort samarbeidsprosjekt med andre skular og næringsliv om velferdsteknologi. Dette bir eit viktig fagfelt i framtida, og Eid vgs vil vere med i fremste rekkje med å utdanne elevar med rett kompetanse.
Tilhøve ved skulen
Alle klassane held til på elektro og data-avdelinga og elevane er ein del av eit stort fagmiljø. Det er også kort veg til dei andre yrkesfaga på skulen, teknologi og industrifag, frisør, blomster, interiør og eksponeringsdesign. Skulen har ein moderne og flott verkstadfløy.
Kvifor velje dette faget
Elektro- og datateknologi gjev grunnlag for mange spennande yrkesval. Nesten alt vi omgjev oss med til dagleg, er avhengig av straum for å fungere. Det vil difor alltid vere behov for fagfolk for eksempel i straumforsyning og installasjonar i bustadar, industri, fly, skip, tog, kjøretøy, osv.
